Դա ցույց է տալիս այս իշխանությունների անբաշարությունը. Արթուր Խաչատրյանը` ԱԽ քարտուղարին

«Եթե Ռուսաստանը տասնյակ տարիներ սպառազինության հետ կապված իր պարտավորությունները պատշաճ կատարում էր, հիմա չի կատարում, դա ցույց է տալիս այս իշխանությունների անբաշարությունը,  անընդունակությունը։ Եթե ես գամ, ասեմ՝ գիտես հացավաճառն ինձ հաց չի տալիս, էրեխեքս սոված են, ես իրավունք ունե՞մ տան հայր կոչվելու , ի՞նչ է շանակում Ռուսաստանն իր պարտավորությունը չի կատարում,  թող իրենք իրենց պարտականությունների մասին մտածեն, ոչ թե իրենց անբաշարության մասին  ողբան և ուրիշներին մեղադրեն»,-  ԱԺ-ում լրագրողների հետ զրույցում ասաց «Հայաստան» խմբակցության պատգամավոր, ՀՅԴ անդամ Արթուր Խաչատրյանը։

Հիշեցնենք,որ  ՀՀ ԱԽ քարտուղար Արմեն Գրիգորյանը հայտարարել էր, որ նոր մեխանիզմներ և սպառազինության մատակարարումներ են անհրաժեշտ, քանի որ Հայաստանը չի ստանում այն, ինչը պատվիրել ու ինչի համար վճարել է Ռուսաստանին։